Gazeta Sinjali raportoi sot për një ngjarje të rëndë që ka ndodhur në lagjen Kapeshnicë të Pejës ku dyshohet se djali privoi nga jeta nënën e tij, duke ia këputur kokën me thikë e pastaj edhe duke ia pirë gjakun e saj.

Burimet e Sinjalit kanë konfirmuar se i dyshuari për këtë ngjarje makabër është Urim Hyseni nga Peja ndërsa viktima është Hyrije Broqi-Hyseni.

Siç shkruan Sinjali, djali ia ka prerë kokën nënës së tij, ndërsa më pas ia ka pirë edhe gjakun, përcjell lajmi.net. Jo vetëm kaq. Gjithnjë sipas mediumit respektiv, koka dhe trupi kanë qenë të ndarë. Kjo pasi, koka e viktimës është gjetur në tavan, ndërsa trupi në katin e shtëpisë. Kjo ngjarje thuhet të ketë trazuar familjarët që e kanë parë gjendjen e tillë.

Siç mëson Sinjali, i dyshuari ka jetuar për rreth pesë vjet në shtetin e Gjermanisë dhe kishte ardhur përkohësisht në familjen e tij për vizitë ku pas disa ditësh pritej të kthehej në Gjermani.

Krimi makabër në Pejë dyshohet se u krye me gjakftohtësi, ku nga këqyrja e vendit të ngjarjes është provuar se viktimës i ishte këputur me thikë koka nga trupi, ku koka ishte vendosur në tavanin e shtëpisë, ndërkaq trupi në katin tjetër.

Burimet e Sinjalit bëjnë me dije se skena ishte rrënqethëse dhe familjarët ishin të trishtuar nga ajo çfarë kishin parë me sy. Tmerri i kësaj ngjarje bëhet akoma më i rëndë për shkak të dyshimit se pas kryerjes së krimit, gjaku i viktimës u pi nga djali i saj.

Burime e afërta me familjen Hyseni, në kushte anonimiteti kanë bërë me dije se konflikti mes të dyshuarit Urim Hyseni dhe nënës së tij ka filluar për shkak të akuzave të Urimit se nëna është fajtore për ndarjen nga bashkëshortja e tij.

Këto burime, konfirmuan se i dyshuari ishte i martuar me një grua nga komuna e Gjakovës, mirëpo për shkak të përkeqësimit të raporteve ai ishte ndarë nga bashkëshortja e tij, ku për këtë e fajësonte edhe nënën e tij.