Kudo ku është Arbana është dhe Xhemi apo kudo ku është Xhemi është dhe Arbana? Renditja e emrave nuk ka rëndësi pasi dy moderatoret e njohura janë thuajse gjithmonë bashkë, e me miqësinë e tyre disavjeçare na kanë treguar se shoqëria e vërtetë në media apo botën e artit nuk është thjesht sa për sy e faqe.

Ditën e sotme Xhemi feston ditëlindjen e 40-të dhe doni të dini kush e ka surprizuar pak pas mesante, pasi kishte qenë për plot 4 orë në transmetim të drejtpëdrejtë? E kush tjetër, përveç Arbanës. Pas përfundimit të spektaklit të djeshëm, moderatorja e njohur ka shkuar në shtëpinë e saj me një buqetë të madhe me lule për t’i uruar ditëlindjen.

“Gëzuar ditëlindjen vajzës më speciale që kam fatin ta kem shoqe, motër, zemër. I love you. (P.s Swipe për të parë ku vrapova mbrëmë pas showt.)”- shkruan Arbana ndërkohë që ka ndarë për ndjekësit edhe disa foto me momentet më të bukura që ka kaluar me Xhemin.

Së fundmi, gjatë një interviste virtuale me ndjekësit e saj në Instagram, moderatorja është pyetur se pse nuk flet kurrë për bashkëshortin.

Në këtë mënyrë, Xhemi ka ndarë një foto, në të cilën bashkëshorti shfaqet me kurriz nga kamera. Moderatorja ka thënë se ai është do të jetë gjithmonë zgjedhja e saj dhe po të kishte 100 jetë.“Nuk ka rrjete sociale prandaj respektoj zgjedhjen e tij. Gjithsesi, është njeri, baba dhe bashkëshort shumë i mirë. Do të ishte gjithmonë zgjedhja ime edhe po të kisha 100 jetë!”, ka shkruar Xhemi.