Oda e infermierëve të Kosovës ka njoftuar se ua ka marrë licencat e punës katër infermiereve të përfshira në rastin e sulmit fizik ndaj të moshuarës në shtëpinë e të moshuarve “Orenda” në Pejë.

Ky vendim është marrë në një takim urgjent të Odës së Infermierëve me prokurorin dhe Këshillin Etik.

“Sot me datë 03.11.2022 me fillim nga ora 11:00 u mbajt takimi urgjent i Prokurorit të OIK, Këshillit Etik dhe Kryetarit të OIK në lidhje me ngjarjet e fundit të cilat kanë ndodhur ditën e djeshme në lidhje me ushtrimin e dhunës nga 4 infermiere ndaj një gruaje të moshuar në Shtëpinë e të Moshuarve ‘Orenda’ në Pejë”, thuhet në njoftim.

Të mërkurën janë arrestuar tri infermiere pas publikimit të një videoje ku shihen teksa e sulmojnë fizikisht një të moshuar.