Anjeza Shahini është “gdhendur” në mendjen e shqiptarëve si artiste, ndonëse ka vite që është larguar nga ky treg muzikor.

Jo vetëm nga sekna dhe muzika, por prej vitesh Shahini është larguar edhe nga Shqipëria ku ndërtoi jetën e saj të re me diplomatin anglez Paul Edward Conolly. Në 2019 çifti u bënë prindër të një vajze, të cilën e quajtën Victoria.

Lajmin për ardhjen në jetë të Victorias, Anjeza Shahini e ndau vetë me ndjekësit e saj të shumtë në rrjetet sociale ku edhe ka qenë mjaft aktive ato kohë. Këngëtarja ndante mjaft momente nga jeta private.

Por papritur Anjeza bëri një shkëputje nga rrjetet sociale për rreth 3 vite, ku është rikthyer vetëm disa ditë më parë, shkruan Albeu.com. Anjeza Shahini ka ndarë lajmin e bukur se po rikthehet edhe në muzikë dhe po përgatit projektet e reja.

Ky rikthim nuk ka qenë pa ndryshime. Ajo ka bërë një sistemim në profilin e saj në Instagram, ku ka hequr një pjesë të mirë të fotove dhe shumica prej tyre me bashkëshortin.

Tashmë në proflin e saj mungojnë fotot ku këngëtarja uronte partnerin për ditëlindjen, mungojnë gjithashtu edhe fotot familjare, si dhe fotot nga festa e 1-vjetorit të vajzës së tyre, ku Anjeza pozonte krah partnerit dhe zbuloi për herë të parë portretin e të bijës.Në profilin e saj ndodhen vetëm fotot e martesës që ka ndodhur në vitin 2015, por Anjeza Shahini ka ndryshuar 2 javë më parë shkrimin ne fotot e dasmës, duke lënë thjeshtë një përshkrim formal.

Gjithashtu edhe urmin për vitin e ri 2023, Shahini nuk e ka bërë me një kartolinë familjare siç e do zakoni, por me disa foto të saj veëm.