Vetëm 5 orë pas vdekjes së Mbretëreshës Elizabeth II, kreu i Partisë së Gjelbër në Australi, Adam Bandt, bëri thirrje që vendi i tij të shpallej Republikë. Bandt u kritikua nga shumë njerëz për shkak të postimit të tij në Twitter, në të cilin ai shkruan se uhet një traktat me indigjenët dhe se Australia duhet të bëhet Republikë.

“Mendimet tona shkojnë për familjen dhe ata që e deshën. Tani Australia duhet të ecë përpara”, shkroi Bandt. “Na duhet një traktat me indigjenët dhe duhet të bëhemi Republikë,” shkroi ai.

Ai u akuzua edhe nga disa mbështetës të tij se nuk po tregonte respekt duke diskutuar këtë çështje në një moment të tillë, vetëm pak orë pas vdekjes së monarkes.

“E shpifur, nuk prisje dot as 6 orë para se të publikoje agjendën tënde politike”, iu përgjigj një përdorues në Tëitter.

Kryeministri , Anthony Albanese është një mbështetës prej kohësh i kthimit të Australisë në republikë, por nuk dha asnjë koment në lidhje me postimin e Brandt.

“Sot nuk është një ditë për politikë,” tha ai për Radio National. “Sot është një ditë për të nderuar shërbimin e Mbretëreshës Elizabeth si kreu i shtetit tonë gjatë këtyre 70 viteve dhe për të falënderuar përkushtimin e saj dhe kontributin e saj në Australi.

Qeveria federale laburiste kishte paralajmëruar tashmë synimin e saj për të mbajtur një referendum mbi shpalljen e republikës nëse zgjidhet për një mandat të dytë.