Lufta e ukrainasve për të çliruar territoret e okupuara prej pushtuesve rus po vazhdon me intensitet të lartë.

Por, kjo nuk i ka penguar disa prej ushtarëve që për një çast të ulin armët për një moment të veçantë në jetën e tyre.

Në Ditën e Mbrojtësve të Ukrainës, më shumë se 1300 çifte kanë kurorëzuar dashurinë e tyre me martesë, njoftoi Ministria e Drejtësisë.

Kujtojmë se edhe në ditët e para të luftës ka pasur këso momentesh të lumtura në mesin e luftëtarëve dhe civilëve.

Theksojmë se rusët filluan pushtimin e pajustifikueshëm të shtetit ukrainas më 24 shkurt duke shkaktuar viktima të shumta dhe dëme materiale.