Një avion privat me gjashtë persona në bord është rrëzuar të shtunën në Karaibe.
Dy fëmijë dyshohet se janë mes viktimave, në bordin e të cilit ishte familja e miliarderit gjerman Rainer Schaller, pronar i disa palestrave ‘Rainer Schaller’ dhe themelues i “RSG Group”.
Rainer Schaller ishte një nga pasagjerët. Partneri i tij, Christiane Schikorsky dhe fëmijët e tyre ishin pasagjerët e tjerë në bord, shkruan gazeta Bild.
Ekipet e kërkim shpëtimit thanë se kanë arritur të identifikojnë pjesë të avionit, përfshi edhe një prej motorëve.
Gjatë kërkimeve, janë gjetur trupat e dy fëmijëve, një libër dhe një lodër fëmijësh.
Avioni u nis nga Meksika dhe humbi komunikimin me kullën e kontrollit pranë Barra de Parismina në Detin Karaibe.
Autoritetet filluan protokollet e kërkimit, por moti i keq pengoi kërkimin.
Kërkimi filloi në orën 5 të mëngjesit të së shtunës me orën lokale, ndërsa ende nuk janë gjetur personat e tjerë.