Mane ka qenë ndoshta personaliteti më popullor në Senegal për disa vite për shkak të gjithçkaje që ai bën për njerëzit e vendit të tij. Ai shpenzon shuma të mëdha parash për ndihma humanitare, veçanërisht në qytetin e tij të lindjes, Bambali.

Vitet e fundit ai ndërtoi një shkollë dhe një spital në vendlindjen e tij, ndërsa së fundi vendosi të ndërtojë një pikë karburanti dhe një postë për t’ua lehtësuar jetën bashkëqytetarëve, shkruan LIG Sport.

Megjithatë, qëllimi i veçantë i Mane është të ndihmojë fëmijët në Senegal dhe në qytetin e tij të lindjes. Ai e di se në çfarë lloj varfërie po rriten, sepse e ka kaluar vetë dhe përpiqet t’i ndihmojë me çdo mundësi.

Mane tashmë ka bërë shumë për fëmijët në Bambali, por nuk dorëzohet dhe ka paralajmëruar se do të ndihmojë për aq kohë sa të mundet.

Ai nuk shpenzon para për luks dhe tashmë e ka treguar në raste të panumërta se sa modest është. Mane vendosi këtë herë t’i befasojë fëmijët në vendlindjen e tij Bambali dhe me siguri ata do ta mbajnë mend gjestin e lojtarit të Bayernit sa të jenë gjallë.

Mane së fundi dërgoi mbi 100 fanella të firmosura në Bambali, dhe ato u dërguan në Senegal nga gazetarët e TNT-së që po bëjnë një dokumentar për të, dhe ata ua dorëzuan fëmijëve dhe panë lumturinë në fytyrat e tyre kur u shfaqën dhuratat.

Çdo fëmijë që ishte në fushën e futbollit atë ditë në shkollën në Bambali, e cila u ndërtua nga Mane, mori fanellën e heroit të tyre dhe kjo vetëm sa konfirmon pse ai ka statusin e legjendës në vendlindjen e tij, por edhe në të gjithë Senegalin. .