Gjithmonë në qendër të vëmendjes në çdo fushë që shkel, Cristiano Ronaldo u ndoq në çdo çast nga transmetimi televiziv i ndeshjes Portugali-Gana (3-2), i vlefshëm raundin e pare në grupin H të Kupës së Botës.

Në një moment, është fiksuar kapiteni i kombëtares luzitane, që kërkon në të mbathurat e tij sportive, diçka që mendohet të jetë një tabletë shtesë energjie, të cilën e hëngri teksa ndeshja zhvillohej në stadiumin ‘974’, në Doha, përpara se trajneri Fernando Santos ta zëvendësonte në minutën e 88-të.