Gazetarja e njohur dhe drejtuesja e emisionit “Histori Shqiptare” Alma Çupi, ka zgjedhur të flasë si rrallë herë për jetën personale. Ajo është e divorcuar me partnerin, babain e vajzës së saj Arbës. Së fundmi, në një intervistë në emsionin “Natën me Aulonën” Çupi foli hapur për periudhën e divorcit.

Ajo tregon se familja e ish-bashkëshortit ishte e pasur, por kjo nuk e pengoi t’i jepte fund martesës. Gjatë viteve që qëndroi në këtë marrëdhënie Alma tregon se i mungonte liria dhe kjo ishte një nga arsyet e marrjes së këtij vendimi.

“Unë kam bërë gjithmonë rebelen. Edhe kur kam qenë e martuar me babain e vajzës, familja e tyre ishte shumë e pasur dhe vetëm unë mund ta ndaja. Vetëm unë mund ta bëja këtë gjë, pasi mund të bëja kompromis shumë të mirë. Por unë doja të isha unë. Kur hyj në shtëpi dua ta përplas derën dhe s’dua të më thotë njeri pse e përplase derën. Unë e kam bërë (divorcin) dhe nuk jam pishman. Po mos ta kisha bërë nuk do isha sot këtu. I them dhe vajzave dhe grave që janë në situata të tilla: Bëjeni”, tregoi Alma.

Ajo tha se me vajzën ka patur marrëdhënie të vështirë, sidomos në adoleshencë, pasi ajo ishte gjithmonë e zënë me punë dhe vajza kërkonte kohën e saj, por tani që ajo është 24 vjeç gjërat kanë ndryshuar. “unë i kam kërkuar falje dhe kemi nisur ta rindërtojmë marrëdhënien tonë, pasi ajo më kupton”, ka treguar Alma.

Ajo po ashtu tregoi se ka një marrëdhënie të ngushtë më paratë dhe se i kursen ato, pasi sipas saj paraja është liri, dhe mund t’i hyjë në punë në momente të caktuara.