Cristiano Ronaldo dhe Georgina Rodriguez kanë publikuar një njoftim për të gjetur një shërbëtore, një kuzhiniere dhe dy punonjës të tjerë për vilën e tyre të re .

Futbollisti i famshëm së bashku me të dashurën e tij dhe pesë fëmijët e tyre ndërtuan një vilë në rajonin Cascais të Portugalisë, e cila është përballë Atlantikut dhe është vetëm 30 km larg kryeqytetit Lisbonës.

Ronaldo, i cili dëshiron të ketë shtëpinë e tij të re në çdo vend është në kërkim të shërbyesve dhe shefave të kuzhinës dhe u jep një pagë prej 6,000 euro në muaj dhe kushti është që ata do duhet të nënshkruajnë kontrata konfidenciale me futbollistin.

Vila shtrihet në 2720 m2 . Ajo është e ndarë në tre kate me 544 metra katrorë të tjera hapësirë të jashtme, që përfshin disa kopshte, një pishinë të hapur (përveç asaj të brendshme), një palestër, një fushë tenisi dhe një garazh për më shumë se 20 makina!

Mes tyre do të jetë edhe Rolls-Royce Dawn me vlerë 350 mijë euro që Georgina Rodriguez i dhuroi për Krishtlindje. Vila vlen më shumë se 21 milionë euro dhe do të përdoret kryesisht pas daljes në pension të Cristiano Ronaldos.

CR-7 ka nënshkruar me Al-Nassr dhe do të kalojë shumë nga koha e tij në Arabinë Saudite, por kjo nuk do të thotë se Georgina dhe fëmijët do të largohen përgjithmonë nga Evropa.