Të martën, shkencëtarët do të zbulojnë se sa afër është njerëzimi me Harmagedonin me botimin e tyre të fundit të “Ora e Ditës së Kijametit”. Për 75 vitet e fundit, organizata jofitimprurëse e medias e përbërë nga liderë botërorë dhe fitues të çmimit Nobel, Buletini i Shkencëtarëve Atomik, ka njoftuar se sa afër është bota me kolapsin për shkak të luftërave, ndryshimeve klimatike dhe pandemive, raporton ABC News.

“Ora është një metaforë, një kujtesë e rreziqeve me të cilat duhet të përballemi nëse duam të mbijetojmë në planet”, thuhet në faqen e tij Buletini.Njoftimi i së martës do të jetë i pari që nga pushtimi i Ukrainës nga Rusia, i cili mund ta çojë orën më afër fundit të botës. Projekti filloi në vitin 1947, kur shkencëtarët donin të paralajmëronin publikun për mundësinë e një katastrofe për shkak të garës së atëhershme të armëve midis SHBA-së dhe Bashkimit Sovjetik.

Çdo vit, Komiteti i Shkencës dhe Sigurisë i Buletinit shqyrton se sa e cenueshme është bota ndaj fatkeqësive të shkaktuara nga kërcënimet njerëzore. Lufta në Ukrainë dhe ndikimi i saj në pjesën tjetër të botës janë faktorët kryesorë në vendimin e këtij viti, tha presidentja dhe CEO Rachel Bronson për ABC News.